Me rastin e 40-vjetorit të themelimit, marka “Burberry” prezantoi koleksionin e tij të ri gjatë Javës së Modës në Londër. Koleksioni i ri solli një sërë risish dhe paraqiti tendencat e fundit të modës gjatë eventit të ndjekur nga aktorja Olivia Coleman, kryeredaktorja e Vogue në SHBA, Anna Wintour, dhe modelja Jourdan Dunn.
Vendosur në një ambient të errët në parkun Victoria të Londrës, ku të ftuarit u ulën mbi jastëkë të mëdhenj ngjyrë kafe, pasarela u shoqërua nga këngët e këngëtares së ndjerë britanike Amy Winehouse.
Modelet parakaluan duke veshur çizme lëkurë, pallto lëkurë, xhaketa me vija të mëdha, kostume dhe pantallona me detaje të ndryshme. Mes tyre ishin Naomi Campbell dhe Lily Cole, të cilat u ngjitën në pasarelë.
Drejtori kreativ i Burberry, Daniel Lee, i cili më herët punoi për markën italiane Bottega Veneta, po përballen me presionin në rritje për të prodhuar koleksione sa më të pëlqyeshme për Burberry, që po përjeton një ulje në kërkesën për produkte luksoze.
