Raportohet se aktori 61-vjeçar Tom Cruise është ndarë nga ish-dashuria e tij, 36-vjeçarja Elsina Khayrova, e cila është ish-gruaja e oligarkut rus Dimitry Tsvetkov, vetëm disa ditë pasi ajo takoi fëmijët e saj.
Cruise dhe Elsina u panë së bashku për herë të parë në një festë në Mayfair, dhjetorin e kaluar, ku u kapën duke kërcyer. Megjithatë, raportet tani tregojnë se ata kanë ndarë rrugët e tyre, vetëm pak ditë pasi ajo takoi fëmijët e saj.
Thuhet se Tom u largua nga kjo marrëdhënie, por dëshironte të qëndronin miq, pasi ata jetojnë në të njëjtin bllok apartamentesh në Londër.
Elsina Khayrova është vajza e Rinat Khayrova, një politikan kryesor rus me një pasuri prej rreth 5 miliardë paund dhe një aleat i ngushtë i Presidentit Putin.
Ndarja e tyre vjen pas raporteve të fundit që Tom Cruise po afrohej gjithnjë e më shumë me Elsinën dhe që kishte kaluar netët rregullisht në apartamentin e mrekullueshëm të saj në Londër, sipas miqve të tyre për MailOnline.
Dyshja morën pjesë në një darkë gala në hotelin me pesë yje Raffles në mbështetje të Bamirësisë së Ambulancës Ajrore të Londrës, ku Princi William ishte mysafir nderi.
Megjithëse ata mbërritën në ngjarje veç e veç, miqtë e tyre thanë se ata kishin kaluar gjithnjë e më shumë kohë së bashku, me Tom Cruise qenë një vizitor i rregullt në apartamentin luksoz të Elsinës në Knightsbridge, i vlerësuar rreth 10 milionë paund.
