Niveli i çmimit të kakaos ka arritur një shifër maksimale historike. Një ton kakaos është blerë për 10 mijë dollarë, shënuar një rritje prej më shumë se dyfishit krahasuar me fillimin e vitit 2024. Në muajin shkurt, çmimi ishte 5888 dollarë për ton.
Analizat tregojnë se fitimet në muajin mars kanë rritur për 54%, ndërsa rritja nga janari është përcaktuar të jetë 130%, duke shënuar një rritje të jashtëzakonshme në tregjet botërore.
Luhatjet në çmimin e kakaos vijnë nga një sërë faktorësh. Ghana dhe Bregu i Fildishtë janë dy prodhuesit kryesorë në botë, të cilët kontrollojnë 60% të tregut global të kakaos. Instabiliteti politik dhe ekonomik, tregu i paligjshëm dhe kushtet atmosferike janë faktorët kryesorë që ndikojnë në këto ndryshime, të cilat kanë një efekt domino në të gjithë zinxhirin e furnizimit deri te konsumatori, që pritet të ndiejë rritjen e çmimit në të ardhmen.
Bregu i Fildishtë ka njoftuar se prodhimi i kakaos që fillon në prill do të jetë më i ulët krahasuar me vitet e mëparshme, duke u ulur nga 600 mijë ton në rreth 400 mijë ton për këtë vit.
