Në Durrës është arrestuar një person 30-vjeçar pasi u kap me një shumë prej 116,685 euro që dyshohet se janë të fituara nga aktivitete kriminale.
Denis Trebeshina, 30 vjeç, u ndalua në lagjen nr. 17 të Durrësit. Gjatë kontrollit të mjetit të tij të drejtuar, u zbulua kjo shumë parash, e cila u sekuestrua si provë materiale.
Hetimet vazhdojnë për të zbardhur burimin e të ardhurave të këtij qytetari.
Materialet procedurale janë dërguar tek Prokuroria pranë Gjykatës së Shkallës së Parë të Durrësit për hetime të mëtejshme.
