Admir Okaj, një pjesëtar i policisë, është sulmuar para dy orësh. Ai u qëllua në kokë me mjete të forta nga persona që ende nuk janë identifikuar. Sulmi ndodhi pranë banesës së tij në zonën e Zdrales. Okaj tashmë është jashtë rrezikut për jetën, pasi ka marrë trajtim mjekësor në kokë në spitalin e Shkodrës dhe më pas është larguar, duke dhënë dëshminë e tij për autoritetet policore. Ai ka shërbyer për një periudhë të gjatë me forcat e FNSH në Shkodër dhe më pas ka punuar në qarkun e Elbasanit.
Policia është duke zhvilluar hetimet e tyre, ndërsa kanë sekuestruar kamerat e sigurisë në zonën përreth për të siguruar prova. Arsyet e kësaj ngjarjeje ende nuk janë të qarta.
