Një person 19-vjeçar është kapur dhe mbajtur peng në një makinë në garazhin e një pallati në Rrëshen nga dy të rinj, me qëllim për të vjedhur paratë që ai kishte. Pasi i morën me forcë 220 mijë lekët që ai kishte me vete, autorët largohen nga vendi i ngjarjes, duke e lënë 19-vjeçarin në rrugë.
Pas ngjarjes, ai raportoi incidentin në polici dhe në kuadër të operacionit “Telefonata”, autoritetet e policisë arritën të identifikojnë dhe arrestojnë menjëherë dyshimtarët e rastit, një 20-vjeçar me inicialet M.B., banues në Rrëshen, dhe një 19-vjeçar me inicialet E.T., banues në Durrës.
Poashtu, u gjet shuma e parave të vjedhura me dhunë, 220,000 lekë, e cila u sekuestrua së bashku me automjetin tip “Audi A4”, me të cilin u kap 19-vjeçari, dhe me dy celularët e të dyshuarve.
Materialet procedurale janë dërguar në Prokurorinë pranë Gjykatës së Shkallës së Parë të Juridiksionit të Përgjithshëm në Lezhë, për veprime të mëtejshme, për veprat penale “Heqja e paligjshme e lirisë” dhe “Vjedhja me dhunë”, të kryera në bashkëpunim.
