Bilanci tragjik në Gaza ka rënë në një nivel të tmerrshëm, duke arritur më shumë se 30 mijë palestinezë të vrarë që nga 7 Tetori. Shifrat janë bërë publike nga Ministria e Shëndetësisë, e drejtuar nga Hamasi, e cila raportoi se vetëm në 24 orët e fundit janë vrarë 81 njerëz, duke çuar kështu numrin e të vrarëve në 30 mijë e 35.
Ministria ka theksuar se shumica e të vrarëve janë gra dhe fëmijë, dhe nuk është bërë dallimi midis civilëve dhe ushtarëve kur janë identifikuar të vrarët. BBC News raporton se ky numër përkon me rreth 1.3% të popullsisë, duke e bërë atë një tregues tmerrshëm i kësaj lufte.
Numri aktual i viktimave mund të jetë më i lartë, pasi këtë bilanc tragjik nuk e përfshinë ata që nuk kanë mundur të mbijetojnë në spitale për shkak të plagëve të marrë nga bombardimet. Gjithashtu, ka mijëra njerëz ende të humbur nën rrënojat e ndërtesave të goditura nga sulmet ajrore izraelite.
Në të njëjtën kohë, sipas Ministrisë së Shëndetësisë në Gaza, mbi 70 mijë persona janë lënduar si rezultat i bombardimeve izraelite. Këto të dhëna nga Ministria e drejtuar nga Hamasi janë cituar edhe nga OKB-ja dhe institucionet tjera ndërkombëtare.
