Një aksident ka ndodhur gjatë mesditës së sotme në afërsi të rrethrrotullimit të Kolonjës në daljen e rrugës për Bubullimë.
Automjeti i tipit Benz me targa AB 373 CD, që po udhëtonte nga Bubullima drejt autostradës, nuk ka mundur të hyjë në rrugë, por ka devijuar drejt dhe, pasi ka kaluar dy barrierat e hekurta që ndajnë autostradën, ka përfunduar në kanalin pranë autostradës.
Shoferi i automjetit është transportuar menjëherë në Spitalin e Lushnjes për trajtim të nevojshëm, ku aktualisht është nën kujdesin e mjekëve.
Bazuar në informacionet fillestare, dyshohet se shoferi ka qenë në shpejtësi të tepërt dhe nuk ka ndërmarrë veprime frenimi, duke thyer barrierat e hekurta në autostradë.
Megjithatë, grupi hetimor i policisë do të jetë ai që do të identifikojë shkaqet e sakta të ngjarjes.
