Simone Inzaghi është gati të rinovojë kontratën me Inter sipas raportimeve të “Gazzetta dello Sport”. Performanca e shkëlqyeshme e ekipit deri tani ka bindur drejtuesit që të zgjasin kontratën e trajnerit për 2 vite të tjera, duke e përfshirë kështu edhe sezonin e 2027.
Edhe pse marrëveshja aktuale përfshinte vetëm sezonin e ardhshëm, sukseset në kampionat kanë bërë që klubi të shprehë dëshirën për të vazhduar bashkëpunimin me Inzaghi.
Përveç zgjatjes së kontratës, pritet që edhe paga e trajnerit të rritet nga 5.5 milionë Euro në 6.5 milionë Euro.
Në pritje të firmosjes së marrëveshjes, e cila pritet të ndodhë para përfundimit të sezonit, Inzaghi do të vazhdojë të drejtojë Interin që prej 3 Qershorit të vitit 2021.
Nën udhëheqjen e tij, Interi ka arritur të fitojë Kupën e Italisë dy herë dhe Superkupën tre herë, ndërsa sezonin e kaluar arriti në finalen e Ligës së Kampionëve, ku u përball me Manchester City, duke u mundur në këtë sfidë.
