Një teknik i sistemeve elektrike është dërguar në spital të enjten, pasi ka hasur në kontakt me tensionin elektrik.
Ngjarja ka ndodhur gjatë punës së Adul Duriçit për riparimin e një linje elektrike në Bulqizë.
Personi në moshën 50-vjeçare është dërguar me urgjencë në spital, ndërsa gjendja e tij shëndetësore mbetet ende e paqartë.
“Me datë 28.03.2024, rreth orës 13.15, shtetasi A.D., rreth 50 vjeç, me profesion elektriçist, duke punuar për riparimin e një linje elektrike, dyshohet se ka rënë në kontakt me energjinë elektrike dhe për pasojë ka mbetur i lënduar. 50-vjeçari, është transportuar menjëherë drejt spitalit, ku po trajtohet me asistencë mjekësore”, sipas policisë.
Grupi hetimor po punon në vendngjarje për zbardhjen e rrethanave.
