Facebook dhe Instagram përjetuan një ndërprerje masive, duke shkaktuar probleme tek mijëra përdorues në të gjithë botën.
Rreth 500,000 përdorues të platformave të kompanisë Meta raportuan vështirësi në hyrjen ose aksesimin e llogarive të tyre, por nuk e kuptuan vërtet se çfarë po ndodhte.
Disa përdorues zbuluan se ishin shkëputur nga llogaritë e tyre në Facebook, ndërsa të tjerë morën njoftime në Instagram se nuk mund të përdornin këtë rrjet social për t’u lidhur.
Faqja zyrtare e statusit të Meta reagoi në lidhje me këto ndërprerje të mëdha, duke thënë se po punojnë për të rikthyer të gjitha shërbimet sa më shpejt të jetë e mundur.
