Ditën e djeshme, pas debatit dhe përplasjes me Meritonin, Egla Ceno u diskualifikua nga Big Brother Vip. Banorja u largua menjëherë pas leximit të njoftimit, duke mos marrë me vete as valixhen me rroba.
Por një video e publikuar pak çaste më parë në faqen zyrtare të Big Brother Vip në Instagram, bëri një trazirë të madhe. Në videon, që nuk ka zë, shfaqet Egla, e izoluar në një dhomë të bardhë, e veshur me të njëjtat rroba që i kishte pasur ditën e djeshme.
Në një moment, ajo shihet duke rregulluar disa objekte dhe formon në tokë fjalinë: “Mami, jam ok”, duke lënë hapësirë për spekulime në lidhje me arsyet e pamundësisë së saj për të folur. Në dhomën e bardhë të zbrazur shihen vetëm disa dyshekë gjumi dhe një tualet.