Një person është arrestuar nga Policia në Gjirokastër sot, ndërsa një tjetër është proceduar penalisht për drejtim të mjetit pa leje.
Policia ka sqaruar se një 58-vjeçar është kapur duke drejtuar një motomjet pa leje, ndërsa një 32-vjeçar është proceduar penalisht për një akuzë të ngjashme.
“Sipas specialistëve të Seksionit të Trafikut Interurban dhe Urban, një person i identifikuar si N. K., 58 vjeç, banues në Gjirokastër, është arrestuar në flagrancë për drejtim të motomjetit pa leje.
Materialet e rastit janë referuar në Prokurori, ku një shtetas tjetër, M. M., 32 vjeç, banues në Tepelenë, është proceduar penalisht për të njëjtën akuzë, por në gjendje të lirë”, thuhet në njoftimin e Policisë.
Materialet procedurale janë kaluar në Prokurorinë pranë Gjykatës së Shkallës së Parë të Juridiksionit të Përgjithshëm në Gjirokastër për veprime të mëtejshme.
