Gjykata e Lartë ka vendosur që dosja e ngjarjes “21 Janari” të kalohet tek SPAK për hetim.
Vendimi i Gjykatës së Lartë është i obligueshëm për SPAK, duke pranuar kështu kërkesën e familjarëve të viktimave për hetimin e ngjarjes “21 Janari” nga SPAK.
Me vendimin e Kolegjit të Bashkuar të Gjykatës së Lartë, SPAK duhet të regjistrojë një procedim penal për këtë çështje dhe të hetojë të gjithë zinxhirin e udhëheqësve të trazirave të 21 Janarit 2011 në bulevardin “Dëshmorët e Kombit” në Tiranë, ku u vranë 4 protestues.
SPAK do të duhet të tërheqë dosjen e “21 Janarit” nga Gjykata e Tiranës, e cila ka hetuar më parë këtë çështje.
Më 21 Janar të vitit 2011, gjatë protestës para Kryeministrisë, humbën jetën Aleks Nika, Ziver Veizi, Faik Myrtaj dhe Hekuran Dedja, të cilët u shpallën “Dëshmorë të Atdheut” nga qeveria socialiste 10 vite më vonë.
