Pas përfaqësimit të bashkuar në strukturat e partisë, Flamur Noka dhe Gazment Bardhi kanë zhvilluar një serë takimesh me anëtarët e Partisë Demokratike në Pukë. Kryetari i Grupit Parlamentar, Gazment Bardhi, ka shprehur besimin në suksesin në zgjedhjet e vitit 2025, ndërsa ka rënë në akuza kundër qeverisë për veprat e korrupsionit.
“Ne kemi përgjegjësinë që të gjithë bashkë duke iu pasur ju në krahë në 2025 ta bëjmë Partinë Demokratike fituese.”
Sekretari i Përgjithshëm i PD-së, Flamur Noka, ka thirrur për bashkimin e demokratëve, duke akuzuar qeverinë si përgjegjëse për largimin e të rinjve nga vendi.
“21 mijë të rinj kanë parë të udhës të ikin nga ky vend. Edi Rama ka vetëm një pikë në axhendën e tij, të vjedhë, të vjedhë dhe të vjedhë.”
Në një kohë një vit larg zgjedhjeve, PD po përballet me një proces riorganizimi, filluar me zgjedhjet në disa prej degëve të partisë, dhe më pas duke vazhduar me strukturat e tjera që kanë pasur mungesë aktiviteti në terren për shkak të tensioneve të brendshme në partinë demokratike.
