Një tragjedi e rëndë ndodhi në rrugën Këlcyrë-Përmet, të martën rreth orës 04:00 të mëngjesit, ku tetë persona humbën jetën.
Aksidenti ka ndodhur pranë fshatit Kuqar , sipas raportimit të Policisë.
Shtatë prej viktimave dyshohet se nuk janë qytetarë shqiptarë, ndërsa shoferi i mjetit vjen nga Shkodra.
Autoritetet policore konfirmuan se shtatë emigrantë të paligjshëm së bashku me shoferin kanë humbur jetën në vendngjarje.
Drejtuesi i mjetit dyshohet se ka humbur kontrollin dhe ka dalë nga rruga, përplasur në lumin Vjosa.
Fotot e para nga vendi i ngjarjes tregojnë një mjet të shkatërruar plotësisht, i përplasur fort në ujërat e lumit Vjosa.
Grupi hetimor është në vendngjarje, nën drejtimin e prokurorit, për të hetuar rrethanat dhe shkakun e aksidentit.
Në vendngjarje janë të pranishme edhe dy grupe të Forcës Kombëtare të Sigurisë.
Sipas burimeve të dhënësve paraprake të A2, viktimat dyshohet se janë nga vendet e Lindjes së Mesme dhe po udhëtonin me një mjet tip Benz.
