Sot, Ministri i Brendshëm Taulant Balla zhvilloi një takim me Drejtorin e TikTok për Politikat Publike dhe Marrëdhëniet me Qeverinë për Evropën Qendrore dhe Lindore, Jakub Olek.
Në këtë takim, ministri Balla shprehu shqetësimet e tij për ngjarjet e fundit dhe theksoi rëndësinë e rritjes së vigjilencës kundër dhunës, dezinformimit, shantazheve dhe gjuhës së urrejtjes online. Ai gjithashtu kërkoi informacion të detajuar në lidhje me ruajtjen dhe përdorimin e të dhënave personale të përdoruesve.
Drejtuesi i TikTok informoi për masat që po ndërmerr për të rritur nivelin e moderimit të postimeve në gjuhën shqipe, si dhe për mundësitë që ofron aplikacioni për denoncimin e rasteve dhe për kontrollin prindëror mbi postimet e fëmijëve. gjatë ditës, ai do të takohet edhe me përfaqësues të Policisë së Shtetit dhe agjenci të tjera për të diskutuar më tej për këto çështje.
