Katër pikat e kalimit kufitar me Greqinë do të jenë të mbyllura për një periudhë prej dy ditësh, për shkak të shfaqjes së protestave nga organizatat sindikale greke.
Nisur nga data 2 prill, nga ora 05:30, deri më datë 4 prill, në ora 05:30, pikat doganore në Kakavijë, Tre Urat, Qafë Botë dhe Kapshticë do të jenë të mbyllura.
Në këtë kohë, automjetet, autobusët dhe kamionët nuk do të kenë leje për të kaluar, me përjashtim të këmbësorëve pa bagazhe dhe automjeteve me emergjenca shëndetësore.
Autoritetet policore kërkojnë që qytetarët dhe drejtuesit e automjeteve që kanë planifikuar të kalojnë kufirin drejt Greqisë gjatë kësaj periudhe të përdorin pikat e tjera të kalimit kufitar.
Një ditë më parë, u lajmërua që tre pikat doganore në Kakavijë, Tre Urat dhe Qafë Botë do të ishin të mbyllura nga data 2 prill, ora 05:30, deri më datë 4 prill, ora 05:30, por sot u njoftua se edhe pika e Kapshticës do të ishte e përfshirë në këtë masë.
