Google ka inkurajuar një numër të madh përdoruesish të shfletuesit Chrome që të përditësojnë softuerin e tyre, pas zbulimit të një sulmi që mundëson hakerët të marrin kontrollin e kompjuterëve të viktimave. Kompania ka bërë të ditur se kriminelët po përdorin “pop-up” të rrezikshëm ose faqe interneti të ndryshme për të marrë qasje në informacionet personale të përdoruesve.
Për të luftuar këtë problem, është lansuar një përditësim që adreson boshllëqet e sigurisë që bëjnë serverat e Chrome të prekshëm nga sulmi i quajtur “Dita Zero”. Emri vjen nga fakti se hakerët gjetën një dobësi në sistemin para se prodhuesi të ndërmerrte veprime, duke i lënë atyre zero ditë për ta zgjidhur problemet, pasi serveri ishte tashmë i kompromentuar. Përditësimi mund të instalohet duke klikuar në seksionin “Cilësimet” në shfletuesin Chrome dhe më pas në opsionin “Rreth Chrome”, ku do të shfaqen detajet e përditësimeve dhe mënyrat për t’i shkarkuar ato.
Google këshillon përdoruesit e tyre që të përditësojnë shfletuesin në versionin më të fundit për të siguruar që të gjitha masat e sigurisë janë të përditësuara. Këto përditësime e zvogëlojnë nevojën për një program antivirus, pasi versioni i ri i Chrome adreson dobësitë e mëparshme.
Sipas analizave të kompanive të sigurisë dhe të Google, numri i sulmeve të tilla ka rritur në vitin 2023, duke regjistruar një rritje prej 50% krahasuar me vitin e kaluar. Rreth 41% e këtyre sulmeve u kryen për qëllime spiunazhi, ndërsa 41% u realizuan nga subjekte komerciale të interesuara. Vetëm 17% e sulmeve kishin motive financiare.
