Dy individë janë arrestuar nga Policia e Durrësit pasi u kapën duke vjedhur dhe trafikuar vepra arti. Në makinën e tyre, janë gjetur 13 statuja të ndryshme në madhësi dhe forma, siç shihet në pamjet e siguruara nga policia.
Informacioni tregon se njëri prej tyre kishte punuar në parqe arkeologjike, duke u angazhuar si roje ose ndihmës. Personi i identifikuar si Pëllumb Leka ka organizuar trafikun e statujave, duke i transportuar ato nga Fieri, Berati dhe Gjirokastra në bashkëpunim me Emanuel Çaçon.