Një makine fluturuese e quajtur AirCar, e prodhuar në Slloveni dhe e cila është testuar me sukses, është blerë nga një kompani kineze. Kompania teknologjike Hebei Jianxin ka blerë teknologjinë për këtë mjet fluturues dhe planifikon ta përdorë atë brenda një zone të përcaktuar. AirCar përdor një motor BMW që funksionon me karburant normal. Në vitin 2021, ky mjet fluturoi me sukses për 35 minuta mes dy aeroporteve në Slloveni, pasi transformoi nga një mjet që udhëton në rrugë në një avion në vetëm 2 minuta.
Edhe pse shuma e parave për blerjen e AirCar nuk është bërë e ditur publikisht, kompanitë kineze janë duke eksperimentuar gjithnjë e më shumë me makinat fluturuese dhe transportin e qytetarëve përmes mjeteve të tilla. Në fakt, në muajin e kaluar, një kompani kineze testoi me sukses një dron për transportin e pasagjerëve midis dy qyteteve në Kinë, duke shkuruar kohën e udhëtimit nga 3 orë në vetëm 20 minuta, edhe pse droni ishte bosh.