Përtej kufijve, mediat vazhdojnë të fokusohen në potencialin turistik të Shqipërisë.
Gazeta franceze “Journal des Femmes” shpreh: “Shqipëria është shndërruar në një nga destinacionet turistike më tërheqëse për pushime, falë çmimeve të lira, ujërave të kristalta, natyrës së pacënuar dhe trashëgimisë së pasur kulturore”.
Ky vend po bën për vete vëmendjen e gjithnjë e më shumë vizitorëve të huaj, dhe vitit 2024 pa dyshim nuk i mungojnë perspektivat e lumtura.
Sipas specialistëve të udhëtimeve, Shqipëria është një perlë e paexploruar në Evropë, duke ofruar gjithçka nga bregdeti, malet, liqenet, deri te kanionet, së bashku me një trashëgimi kulturore unike dhe një popullsi mikpritëse.
“Gazeta des Femmes” thekson se ky vend po fiton popularitet dhe po tërheq një numër gjithnjë e më të madh udhëtarësh të interesuar për të eksploruar dhe zbuluar bukuritë natyrore dhe plazhet e mrekullueshme të Shqipërisë.
Në krahasim me Kroacinë, një nga destinacionet kryesore turistike, Shqipëria është më e lirë, duke bërë që të jetë më e arritshme për udhëtarët.
Në përfundim, revista franceze sugjeron se për ata që duan të shijojnë territore të reja këtë verë me familjen e tyre, Shqipëria është destinacioni i duhur për të eksploruar.
