Sylvinho pritet të ndryshojë pjesën kryesore të titullarëve në përballjen me Suedinë sot në orën 19:00 në Stokholm. Kjo është diçka që u vërej në stërvitjen e fundit dje në “Friends Arena”, dhe u pranua deri diku edhe nga vetë trajneri në konferencën e zakonshme para takimit.
Në këtë miqësore të dytë për muajin Mars, deri më tani është menduar që Berisha do të jetë në portë. Në mbrojtje pritet të qëndrojnë Gjimshiti e Mitaj, ndërsa në repart duhet të plotësohet Kumbulla e Balliu. Në mesfushë duket se Asllani e Ramadani do ta nisin përsëri nga minuta e parë.
Në krye të sulmit pritet që Broja të marrë vendin e Manajt, ndërsa pritet që ai të mbështetet nga Muçolli, Muçi e Hoxha. Megjithatë, Sylvinho është një trajner që preferon të rezervojë edhe disa surpriza përpara ndeshjes.
