Drenusha Latifi, ish-miss Kosova dhe këngëtarja e njohur, ka ndarë më shumë detaje rreth situatës së vështirë që ka përjetuar në familjen e saj me ish-bashkëshortin dhe përvojën e dhunës.
Në një intervistë për “Zona Zero”, ajo tregoi se ish-burri i saj ka qenë i akuzuar më herët për dhunë nga ish-gruaja e tij, por ajo nuk e kishte besuar pasi ai i kishte thënë se ishte një akuzë e rreme për të marrë djalin e tyre.
Drenusha shprehet se në fillimet e tyre si çift, ai duket si një njeri shumë i sjellshëm dhe nuk kishte shenja të dhunës. Megjithatë, kur e kishte pyetur për këto akuzat, ai i kishte thënë se ish-gruaja e kishte konspiruar për t’i marrë fëmijët, duke pretenduar se nuk donte që djali i tyre të rritej në një ambient të frymës nacionaliste, pasi ish-partnerja ishte serbe.
Në fund, vetë Drenusha u bë viktimë e dhunës nga ai, një situatë që zgjati deri një vit më parë. Pas kësaj, ajo vendosi të denoncojë dhe të divorcohet nga ai, duke larguar veten dhe dy fëmijët e tyre nga banesa e tyre.
