Babai dhe djali, Juljan dhe Mersin Shkalla, janë arrestuar nga policia në Kavajë me akuza për grabitjen e pesë automjeteve.
Ata, 63-vjeçari dhe djali i tij, dyshohen se kanë vjedhur 5 automjete dhe targat e 2 automjeteve të tjera, në Kavajë dhe Shijak.
Në servisin e tyre në fshatin Priskë, janë gjetur pjesë të një automjeti të vjedhur në Kavajë dhe të një automjeti tjetër të raportuar të vjedhur në Rinas.
Bazuar në hetimet dhe denoncimet nga qytetarët për vjedhjen e automjeteve të tyre, dyshohet se ata dy, në bashkëpunim me njëri-tjetrin:
– Më 22 Shkurt 2024, në Kavajë, kanë vjedhur një automjet “Range Rover” dhe një “Mercedes Benz”. (Automjeti “Mercedes Benz” është gjetur te Liqeni i Thatë më 25 Shkurt 2024);
– Më 17 Shkurt 2024, në një pikë shitjesh automjetesh në Shijak, kanë vjedhur një automjet “Audi A5”, një “Volkswagen” dhe targat e 2 automjeteve të tjera;
– Më 17 Gusht 2023, në Kavajë, kanë vjedhur një automjet “Range Rover”.
Hetimet vazhdojnë ndërsa servisi i tyre është i mbyllur. Dosjet e tyre janë dërguar në Prokurori për veprime të mëtejshme.
