Rey Manaj është kandidati kryesor për transferimin e verës, pasi për vlerën e tij në fushë dhe numrin impresiv të golave. Sulmuesi i talentuar ka shënuar 18 gola në kampionatin turk, duke e renditur në vendin e tretë në listën e shënuesve më të mirë.
Forma e shkëlqyer e Manajt është bërë objekt interesimi për disa klube në Europë, përfshirë Spanjën, Francën, dhe madje edhe Arabi Saudite. Megjithatë, mediat turke raportojnë se Besiktasi është një nga klubet që janë tërhequr më shumë nga performanca e tij, duke planifikuar një ofertë zyrtare për sulmuesin kuq e zi.
Nëse Sivasspori nuk pranon ofertën fillestare prej 15 milionë eurosh për Manajn, Besiktasi është gati të paraqesë një “plan B”. Në këtë skenar, ata mund të ofrojnë dy lojtarë si pjesë e negociatave, përfshirë Ernest Muçin dhe Milot Rashicën, si alternativa për të arritur një marrëveshje të suksesshme.
Ky transferim pritet të jetë një hap i rëndësishëm për sulmin e Besiktasit, duke u bazuar në paraqitjen e shkëlqyer të Manajt në fushën e lojës. Në fakt, për shkak të kontributit të tij, ai është edhe kandidat për të qenë pjesë e skuadrës kombëtare shqiptare në Euro 2024 në Gjermani.
