Kreu i Partisë Demokratike, Lulzim Basha gjatë eventit “Përballja me të kaluarën | Shikimi i shumëfaqëshëm në histori”, në kujtesë të 20 shkurtit, ditës së heqjes së bustit të diktatorit Enver Hoxha, shprehu se premtimi për hapjen e dosjeve të ish-Sigurimit të Shtetit mbetet një premtim i pambajtur.
“Dosjet famëkeqe të sigurimit të shtetit vazhdojnë të luajnë një rol në kontrollin politik të shoqërisë. Ndoshta jo në mënyrë të drejtpërdrejtë si në kohën e diktaturës, por në mënyrë indirekte. Ndaj PD ka dërguar në parlament prej kohësh një propozim I cili synin lustracionin, pra hapjen e plotë të dosjeve edhe si një shërbim ndaj shoqërisë, por edhe si eleminim ndaj atyre që akoma kontrollojnë në mënyrë të paligjshme dosejet e sigurimit të shtetit për të ushtruar presion mbi faktorë të rëndësishëm të shoqërisë. Hapja e dosjeve është një premtim i pambajtur 33-vjeçar i PD dhe sot është dita t’i kërkojmë ndjesë shqiptarëve, e në veçanti të përndjekurve politikë në këtë dështim, pa asnjë ekzagjerim epokal.
“Ekspozimi I agjenturës jugosllave dhe sovjetike në Shqipëri, nuk është hap që thjesht duhet të ndërmerret në funksion të transparencës, por dhe në funksion të një qëllimi shumë më të madh që është siguria kombëtare. Natyrisht kjo është një thirrje që i drejtohet institucioneve, por PD do të hedh dhe hapin konkret të institucionalizimit të kërkesës që këto dy rrjete të agjenturës dhe rezidenturës të dy shërbimeve ndë më armiqësoret ndaj interesave kombëtare dhe sigurisë kombëtare të Shqipërisë të mos gëzojnë më mbrojtjen e pakuptimtë që I jepet duke I mbajtur të fshehta emrat, të dhënat e këyre dy organizatave të cilat nuk kanë pasur asnjëherë një qëllim tjetër përveç sabotimit, minimit të interesave kombëtare, shqiptare”, shtoi ai.
Në lidhje me këtë, ai bëri thirrje që autoritetet, në bashkëpunim me institucionet ligjzbatuese dhe të zbulimit në Shqipëri, të nxjerrin në dritë dosjet e KKB-së dhe UDB-së. Bashkësia duhet të informohet mbi ndikimin e agjenturave jugosllave dhe sovjetike në Shqipëri për të siguruar jo vetëm transparencën, por edhe sigurinë kombëtare.
